Whatsappல் புதிய அம்சம்! இனி இதையும் செய்யலாம்

வாட்ஸ் அப்பில் வரவிருக்கும் புதிய அசத்தலான அப்டேட் குறித்த தகவல் கசிந்துள்ளது.

வாட்ஸ்அப் செயலியில் அடிக்கடி புது அம்சங்கள் வழங்கப்பட்டு வருகின்றன. அந்த வகையில் ஏற்கனவே சில அம்சங்கள் பற்றிய விவரங்கள் முந்தைய பீட்டா வெர்ஷன்களில் வெளியாகி உள்ளன.

அந்த வரிசையில், பயனர்கள் தங்களின் அருகாமையில் உள்ள வியாபாரிகளை தேடும் வசதி வாட்ஸ்அப் செயலியில் வழங்கப்பட இருப்பதாக தகவல் வெளியாகி உள்ளது.

இந்த அம்சம் கொண்டு பயனர் அருகில் உள்ள மளிகை கடைகள், உணவகங்கள் மற்றும் இதர கடை பற்றிய விவரங்களை தேடி அறிந்து கொள்ளலாம். இதற்கென புது இண்டர்பேஸ் உருவாக்கப்படுகிறது.

புது அம்சம் பிசினசஸ் நியர்பை (Businesses Nearby) என அழைக்கப்படுகிறது. இதனை கிளிக் செய்ததும், எந்த பிரிவில் தேடல்களை மேற்கொள்ள வேண்டும் என்ற ஆப்ஷனும் வழங்கப்பட்டு இருக்கிறது. பயனர் தேர்வு செய்யும் பிரிவுக்கு ஏற்றவகையில் பதில்கள் பட்டியலிடப்படுகின்றன.

சோதனை அடிப்படையில் இந்த அம்சம் சில ஆண்ட்ராய்டு பயனர்களுக்கு ஏற்கனவே வழங்கப்பட்டுவிட்டது. இதே அம்சத்தை ஐ.ஒ.எஸ். தளத்தில் வழங்குவதற்கான பணிகளும் மேற்கொள்ளப்பட்டு வருவதாக தகவல் வெளியாகியுள்ளது.

 whatsapp businesses nearby
whatsapp businesses nearby