தனுஷ் படத்தின் புதிய அப்டேட்டை வெளியிட்ட ஜிவி பிரகாஷ்

தனுஷ் நடிப்பில் தற்போது ‘அத்ரங்கி ரே’ என்னும் பாலிவுட் திரைப்படம் உருவாகி வருகிறது. இதன் படப்பிடிப்பு தற்போது விறுவிறுப்பாக நடைபெற்று வருகிறது. இப்படத்தை தவிர, கார்த்திக் சுப்புராஜ் இயக்கத்தில் ஜகமே தந்திரம், மாரி செல்வராஜ் இயக்கத்தில் கர்ணன் ஆகிய படங்களில் நடித்துள்ளார்.

இப்படங்களை அடுத்து துருவங்கள் பதினாறு பட இயக்குனர் கார்த்திக் நரேன் இயக்கத்தில் உருவாகும் D43 படத்தில் தனுஷ் நடிக்க இருக்கிறார். இப்படத்திற்கான ஆரம்பக் கட்ட பணிகள் மும்முரமாக நடைபெற்று வருகிறது. இந்நிலையில் இப்படத்தின் புதிய அப்டேட்டை இசையமைப்பாளர் ஜிவி பிரகாஷ் வெளியிட்டுள்ளார்.
ஜிவி பிரகாஷின் பதிவு
அதில் D43 படத்தின் மூன்று பாடல்களை முடித்து விட்டதாகவும், நான்காவது பாடலை உருவாக்கி வருவதாகும் ஜிவி பிரகாஷ் கூறியிருக்கிறார். இது தனுஷ் ரசிகர்களுக்கு விருந்தாக அமைந்துள்ளது.
சத்யஜோதி பிலிம்ஸ் தயாரிக்கும் இப்படத்தில் மாளவிகா மோகனன் கதாநாயகியாக நடிக்கிறார்.