அண்ணாத்த படத்தில் இணைந்த பிரபல நடிகர்… அதிகாரப்பூர்வ அறிவிப்பு

சிவா இயக்கத்தில் ரஜினி நடித்து வரும் படம் அண்ணாத்த. இப்படத்தின் படப்பிடிப்பு கடந்த டிசம்பர் மாதம் ஐதராபாத்தில் நடைபெற்று வந்தபோது, டெக்னீஷியன்கள் 4 பேருக்கு கொரோனா இருப்பது கண்டறியப்பட்டதால் படப்பிடிப்பை தற்காலிகமாக ரத்து செய்தனர். இதையடுத்து இரண்டு மாதங்கள் படப்பிடிப்பு நடைபெறாமல் இருந்தது.
தற்போது அண்ணாத்த படத்தின் படப்பிடிப்பு இன்று முதல் தொடங்கியுள்ளது. சென்னையில் பிரம்மாண்ட அரங்குகள் அமைக்கப்பட்டு படப்பிடிப்பு நடைபெற்று வருகிறது. ஒரு மாதம் சென்னையில் தொடர்ந்து படப்பிடிப்பை நடத்த படக்குழுவினர் முடிவு செய்துள்ளனர்.
ஜெகபதி பாபு
இந்நிலையில் இந்த படப்பிடிப்பில் பிரபல நடிகர் ஜெகபதி பாபு இணைந்திருப்பதாக படக்குழுவினர் அதிகாரப்பூர்வமாக அறிவித்து இருக்கிறார்கள். மேலும் இப்படத்தில் மீனா, குஷ்பு, கீர்த்தி சுரேஷ், நயன்தாரா, சூரி, பிரகாஷ் ராஜ் என ஏராளமானோர் நடிக்கின்றனர். இப்படம் இந்தாண்டு தீபாவளிக்கு ரிலீசாகும் என அறிவிக்கப்பட்டுள்ளது.
x